Za ździajśnieńnie asabliva złosnaha chulihanstva pryjdziecca adkazvać raniej nieadnarazova sudzimamu žycharu Hrodna, paviedamlaje sajt UUS Hrodzienskaha abłvykankama.

25-hadovy chłopiec ŭvieś viečar piŭ śpirtnoje, a bližej da nočy zajšoŭ paviačerać u bar. Chutka dačakaŭšysia zamovy, jon vyrašyŭ «adździačyć» aficyjantu. U jakaści čajavych kinuŭ u niedapity kielich piva dźvie tysiačy biełaruskich rubloŭ.

Aryhinalnuju ideju klijenta «harson» nie acaniŭ i moŭčki pajšoŭ, kali jamu prapanavali ŭznaharodu. Padazravany, u svaju čarhu, rascaniŭ heta jak niepavahu, padyšoŭ da barnaj stojki i nakiravaŭ u bok aficyjanta pnieŭmatyčny pistlet.

Apošni nie razhubiŭsia i nacisnuŭ tryvožnuju knopku. Narad milicyjantaŭ Kastryčnickaha adździeła Departamienta achovy MUS apieratyŭna zatrymaŭ chulihana, jaki da taho momantu jašče nie paśpieŭ syści.

Svaje chamskija pavodziny padazravany patłumačyŭ tym, što byŭ pjany.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?