U 2007 hodzie Alaksandr Łukašenka padpisaŭ płan mierapryjemstvaŭ pa realizacyi pijar-akcyi «Iryna Darafiejeva — tvar Biełarusi». Hety «tytuł» byŭ prysvojeny śpiavačcy na 6 hadoŭ.
«Alaksandr Ryhoravič zaryjentavaŭ nas na stvareńnie praduktu jeŭrapiejskaha ŭzroŭniu», — skazaŭ «Salidarnaści» pradziusar Juryj Savaš.
Z «praduktam jeŭrapiejskaha ŭzroŭniu» atrymałasia nie vielmi. Va ŭsiakim vypadku, u Jeŭropie Darafiejeva i pa hety dzień, miakka kažučy, nie zanadta zapatrabavanaja.
Tamu śpiavačka padzarablaje ŭdziełam u rekłamie kampanii, jakaja zajmajecca vyrabam i ŭstaloŭkaj voknaŭ.
Cikava, što aŭtary videa prajšlisia pa jakaści rabot ajčynnych budaŭnikoŭ: «Iryna Darafiejeva žyvie ŭ novabudoŭli. Typavyja ramy pačali skrazić…» Jakaść rolika, zrešty, taksama pakidaje žadać šmat lepšaha.
