Pra heta piša rasijskaja hazieta «Iźviestija». Pavodle infarmacyi vydańnia, ryzyku zatrymańnia menedžaraŭ aceńvajuć jak vysokuju. Słužba biaśpieki kaža, što supracoŭniki KDB ŭstalavali ŭ Maskvie pasty i sočać adrazu za niekalkimi menedžarami «Urałkalija».
Kala ich damoŭ źjavilisia mašyny, u jakich dzień i noč dziažurać nieviadomyja mužčyny. Kali menedžary niekudy jeduć, ich supravadžaje «chvost». Kali Słužba biaśpieki «Urałkalija» stała praviarać, to vyśvietliłasia, što heta pasty biełaruskich śpiecsłužbaŭ.
Nahadajem, što ŭ minułuju piatnicu supracoŭniki KDB Biełarusi pasprabavali zatrymać na Leninhradskim vakzale Maskvy mieniedžara Dźmitryja Samojłava. Niekalki apieratyŭnikaŭ u cyvilnym źniali jaho prosta ź ciahnika. Tolki ŭmiašańnie rasijskaj palicyi zmusiła biełaruskich kadebistaŭ pakinuć pradstaŭnika «Urałkalija» ŭ spakoi.
