Złamyśnika vyjaviła kanadskaja kibierpalicyja. Akazałasia, jon supracoŭničaŭ z suśvietnaj sietkaj chakieraŭ Anonymous. Za svaje pasłuhi jon atrymoŭvaŭ biaspłatnyja videahulni.
Na hetym tydni chłopčyk paŭstanie pierad sudom pa spravach niepaŭnaletnich — jamu vystavili abvinavačańni ŭ troch epizodach. Heta paśpiachova ŭzłom sajtaŭ palicyi kanadskaha horada Manreal, Instytuta achovy zdaroŭja pravincyi Kviebiek, a taksama ŭrada paŭdniovaamierykanskaj krainy Čyli.
Advakat apraŭdvaje školnika tym, «chłopčyk razhladaŭ uzłom tolki jak hulniu, jaho dziejańni nie byli palityčna matyvavanyja».
Palicyja aceńvaje škodu ad dziejańniaŭ školnika na 60 tysiač dołaraŭ.
