Kinuty niedakurak ledź nie staŭ pryčynaj hibieli dziciaci ŭ horadzie Bierazino Minskaj vobłaści,
paviedamili ŭ Ministerstvie pa nadzvyčajnych situacyjach Biełarusi.
Jak miarkujecca, pažar na bałkonie kvatery, raźmieščanaj na 4-m paviersie piacipaviarchovaha doma, pačaŭsia z-za niedakurka, kinutaha z bałkona paviercham vyšej. U vyniku, hareć stała majomaść, što była na bałkonie.
U kvatery była tolki 9-hadovaja dziaŭčynka.
Samastojna vyjści z kvatery dzicia nie mahło, bo na dźviarach pastaŭleny zamok biez unutranaj zaščepki. Na ščaście, niebiaśpieku svoječasova zaŭvažyli susiedzi, jakija vyklikali ratavalnikaŭ.
Rabotnik MNS praź dźviery ustanaviŭ hałasavy kantakt ź dziaŭčynkaj i rekamiendavaŭ joj lehčy na padłohu. U hety čas ratavalniki pry dapamozie bienzareza vyrazali mietaličnyja dźviery. Dzicia było vyniesiena na śviežaje pavietra i pieradadzieny bryhadzie chutkaj miedycynskaj dapamohi.
