Čarhovaja pahonia DAI za parušalnikam sa stralboj zdaryłasia 27 kastryčnika ŭ Minsku i Minskim rajonie.
27 kastryčnika prykładna ŭ 2.00 supracoŭnikami Dziaržaŭtainśpiekcyi na vulicy Cimirazieva była zaŭvažana aŭtamašyna «BMV», jakaja ruchałasia ŭ napramku MKAD sa značnym pieravyšeńniem chutkaści. Milicyjaniery zapatrabavali spynicca, ale kiroŭca tolki pavialičvaŭ chutkaść. Padčas pahoni parušalnik nieadnarazova stvaraŭ avaryjnuju situacyju patrulnamu aŭtamabilu, a taksama svaimi dziejańniami stvaraŭ realnuju pahrozu biaśpiecy darožnaha ruchu.
Ruchajučysia pa aŭtadarozie ŭ napramku pasiołka Siomkava, supracoŭniki DPS pryniali rašeńnie vykarystać tabielnuju zbroju dla spynieńnia «BMV», u pavietra byli zrobleny dva papieradžalnyja streły, ale kiroŭca praciahvaŭ ihnaravać ich patrabavańni. Zajechaŭšy ŭ haražny masiŭ u Siomkavie, jon spyniŭsia, bo ŭ mašynie łopnuła koła, i sprabavaŭ uciačy. Padčas zatrymańnia małady čałaviek akazvaŭ supraciŭleńnie.
Kiroŭcam akazaŭsia žychar Siomkava 1985 hoda naradžeńnia, jaki nie mieŭ pravoŭ na kiravańnie transpartnymi srodkami.
Małady čałaviek zatrymany za kiravańnie ŭ niećviarozym vyhladzie ŭžo ŭ piaty raz, u dačynieńni da jaho za jazdu ŭ stanie ałkaholnaha apjanieńnia dvojčy raspačynali kryminalnuju spravu. Na hety raz u kryvi parušalnika było vyjaŭlena 1,44 pramile ałkaholu.
Pavodle słoŭ kiroŭcy, viečaram jon piŭ piva, paśla čaho sieŭ za rul. Ubačyŭšy supracoŭnikaŭ DAI, spałochaŭsia, spadziavaŭsia, što zdoleje ŭciačy. U dačynieńni da parušalnika składzieny čatyry administracyjnyja pratakoły.
