U padazravanaha ŭ zabojstvie kiraŭnika minskaha kłuba łučnikoŭ-amataraŭ Hanny Sardečkinaj pryznali adekvatnym, jamu vystaŭlena abvinavačańnie ŭ zabojstvie.
Pra heta paviedamiła aficyjny pradstaŭnik Śledčaha kamiteta Biełarusi Julija Hančarova.
27-hadovaja minčanka Hanna Sardečkina źnikła 12 žniŭnia. Jaje były muž sam źviarnuŭsia ŭ orhany ŭnutranych spraŭ z zajavaj ab źniknieńni byłoj žonki.
Padčas apieratyŭna-vyšukovych mierapryjemstvaŭ u supracoŭnikaŭ milicyi, paviedamlaje SK, źjavilisia važkija padstavy padazravać zajaŭnika ŭ datyčnaści da źniknieńnia žančyny, a zatym i da jaje zabojstva. Padčas rasśledavańnia padazrony pryznaŭsia va ŭčynieńni asabliva niebiaśpiečnaha złačynstva i ŭkazaŭ, dzie schavany astanki zabitaj, jakija znojdzieny ŭ Cnianskim vadaschoviščy i lesaparkavaj zonie, što prymykaje da jaho.
