Alaksandr Łukašenka padpisaŭ rasparadžeńnie ab vydzialeńni bolš jak 3,1 młrd. rubloŭ sa srodkaŭ fondu prezidenta pa padtrymcy kultury i mastactva na finansavańnie tvorčych i inšych prajektaŭ.
Na restaŭracyju i muziejefikacyju historyka-kulturnych kaštoŭnaściaŭ Nacyjanalnamu Połackamu historyka-kulturnamu muzieju-zapaviedniku vydzielena 420 młn. rubloŭ, Nacyjanalnamu histaryčnamu muzieju — 118 młn. rubloŭ.
Maładziožnamu teatru estrady i Nacyjanalnamu akademičnamu dramatyčnamu teatru imia Maksima Horkaha vydzialajecca adpaviedna 680 młn. i 500 młn. rubloŭ na nabyćcio sceničnaha i inšaha abstalavańnia.
Sa srodkaŭ fondu taksama budzie prafinansavana nabyćcio muzyčnych instrumientaŭ dla narodnaha duchavoha arkiestra «Viciny» amal na 200 młn. rubloŭ.
Akramia taho, 950 młn. rubloŭ vydzialajucca pryvatnaj teatralna-vidoviščnaj ustanovie «Centr vizualnych i vykanalnickich mastactvaŭ «ART Karparejšen» na arhanizacyju i praviadzieńnie XX Minskaha mižnarodnaha kinafiestyvalu «Listapad».
Litaraturnamu muzieju Maksima Bahdanoviča budzie nakiravana 50 młn. rubloŭ na arhanizacyju vystavy «Prahladzicie hety tomik…», pryśviečanaj 100-hodździu z dnia vychadu zbornika vieršaŭ paeta «Vianok».
«Padpisańnie rasparadžeńnia budzie spryjać realizacyi sacyjalna značnych tvorčych prajektaŭ, pavyšeńniu kvalifikacyi muziejnych rabotnikaŭ i stanie jašče adnym śviedčańniem pastajannaj dziaržaŭnaj padtrymki biełaruskaj kultury», — adznačyła pres-słužba.
