Fota Siarhieja Hudzilina.

Fota Siarhieja Hudzilina.

Udzielnik šeścia ŭ Kurapaty, mužčyna piensijnaha ŭzrostu, pa-raniejšamu idzie ŭ kałonie ŭ majcy, na jakoj śpieradu napisana «Łukašenka sychodź», a zzadu — «Čaćviorty raz adzin i toj ža prezident — nie dziakuj».

Nahadajem, pierad pačatkam šeścia da jaho padyšli supracoŭniki milicyi i paprasili źniać majku, kab paźbiehnuć incydentaŭ. Adnak mužčyna admoviŭsia heta zrabić.

U kamientary BiełaPAN jon paviedamiŭ, što ŭ adkaz paprasiŭ milicyjanieraŭ nazvać jamu zakon, jaki zabaraniaje nasić padobnaje adzieńnie. «Mnie adkazali: nu vy ž sami razumiejecie…» — raskazaŭ udzielnik šeścia, jaki pryjechaŭ u Minsk z Homiela.

Pavodle słoŭ mužčyny, jon taksama pacikaviŭsia, jak supracoŭniki pravaachoŭnych orhanaŭ mohuć prapanoŭvać jamu «žyć pa paniaćciach, a nie pa zakonie».

«Ja skazaŭ, što milicyja pavinna razumieć, što Kanstytucyja Biełarusi vyšejšaja za luby ŭkaz prezidenta. Paśla hetaha na mianie pierastali źviartać uvahu», — raskazaŭ hamialčanin. Jon taksama adznačyŭ, što pastajanna pryjazdžaje ŭ Minsk na «Dziady».

Hladzi taksama: U časie šeścia ŭ Kurapaty adbyŭsia incydent

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?