«Naša Niva» atrymała adkaz na svoj zvarot u «Bielinviestbank» z prośbaj patłumačyć umovy i abstaviny vydzialeńnia lhotnaha kredyta byłomu premjer-ministru Biełarusi Hienadziu Navickamu.
Nahadajem, u 2007 Navicki atrymaŭ rublovy kredyt na sumu, ekvivalentnuju $300 tysiačam, pad zvyšilhotnyja 5,5%.
«Bielinviestbank» paviedamiŭ, što hetaja infarmacyja składaje bankaŭskuju tajamnicu, tamu nie budzie razhałošvacca.
Namieśnik staršyni praŭleńnia «Bielinviestbanka» Uładzimir Tamaševič dadaje, što źviestki mohuć być pradastaŭlenyja dziaržaŭnym orhanam i ŭpaŭnavažanym słužbovym asobam va ŭstanoŭlenych zakanadaŭstvam vypadkach.
Siarod takich orhanaŭ nazyvajucca sud, prakuror, Departamient finansavaha manitorynhu Kamiteta dziaržaŭnaha kantrolu i inšyja arhanizacyi.
