Niadaŭna ŭ internecie źjaviłasia infarmacyja pra toje, što ŭ Biełarusi źjavicca svoj anałah dziciačaha humarystyčnaha almanacha «Jerałaš».

Što praŭda, prajekt «Biełarašyk» budzie mieć ceły šerah adroźnieńniaŭ. Zaraz 20-chvilinnyja vypuski «Biełarašyka» zdymajucca ŭ roznych rajonach Minskaj vobłaści.

«Naša Niva» pahutaryła z režysioram Michaiłam Saburavym pra zdymki, fłešmoby, nazvu «Biełarašyk» i ideju pieraŭtvareńnia prajekta ŭ mižnarodny fiestyval.

«Heta TV-prajekt, čymści padobny dla «Jerałaša», adnak absalutna aŭtyentyčny, – raskazvaje spadar Saburaŭ. – Padabienstva pamiž imi nie budzie. My zaraz znachodzimsia na etapie pačatkovych zdymkaŭ.

Idei dla vypuskaŭ prydumvajuć sami dzieci. My pravodzim kastynhi, adbor scenaroŭ, adbor miascovaści va ŭsich rajonach Minskaj vobłaści. Vynikam budzie TV-prajekt, pieršuju častku jakoha my źbirajemsia vypuścić pad Novy hod».

Na jakim kanale projdzie premjera «Biełarašyka» pakul nie zrazumieła, adnak, pa słovach spadara Saburava, Biełteleradiokampanija, STV, kanał «Mir» – cikaviacca prajektam.

«A letam, kali ŭsie vypuski buduć hatovyja, my zładzim fiestyval, uznaharodzim najlepšych aŭtaraŭ, – kaža Saburaŭ. – Taki fiestyval, my spadziajemsia, budzie ładzicca štohod. A tam da nas i inšyja krainy zmohuć padklučycca: i SND, i Polšča, i Hiermanija, krainy Skandynavii – ich zaŭždy takija prajekty cikaviać, ja ź imi pracavaŭ, ujaŭleńnie maju».

Što tyčycca kardynalnaha adroźnieńnia ad «Jerałaša», to spadar Saburaŭ tłumačyć heta tym, što ni adna sieryja nie budzie padobnaj da papiaredniaj.

«Heta nie almanach i nie skietčy, – kaža režysior. – To bok, skietčy tam, kaniešnie, buduć, adnak, dla kožnaha rajona budzie svoj farmat, jaki prydumvajuć jaho žychary.

Naprykład, u adnym horadzie my adzdymali 20-chvilinnuju sieryju, ad imia dziaŭčynki, jakaja raskazvaje roznyja historyi z žyćcia. A ŭ inšym horadzie my adzdymali vypusk u farmacie fłešmoba, jon pačynajecca z adnaho čałavieka, a skančvajecca supolnym vystupam ledź nie ŭsich žycharoŭ horada na centralnaj płoščy.

Usio heta robicca z dobrym humaram, my nie zdymajem rajcentry jak «na parad», jak u nas robicca zvyčajna, my nie stvarajem šou pra dasiahnieńni taho ci inšaha rajona.

Vielmi aktyŭna i ź vialikaj radaściu prymajuć udzieł i prostyja žychary rajcentraŭ. Takim čynam, u kožnaha rajcentra sieryja budzie ŭjaŭlać svoj niestandartny nabor skietčaŭ, klipaŭ, mieć svaju kancepcyju».

Adabrać najlepšaje z taho, što pišuć dzieci ŭ jakaści scenaroŭ, asobnaja zadača. Pa słovach Michaiła Saburava časam «kraduć ź interneta», adnak aryhinalnaha i cikavaha materyjała dastatkova.

A čamu prajekt atrymaŭ takuju dziŭnuju nazvu? «Heta «Naša Biełaraša» plus «Jerałaš», – kaža spadar Michaił. – Ja nie dumaŭ, što hetaja nazva projdzie, adnak jaje zaćvierdzili. Jaje možna razhladać i jak pracoŭnuju.

Kali nam źvierchu skažuć źmianić nazvu, budzie nie prablema prydumać novuju. Tut kudy važniejšy sam prajekt».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?