Fota AP/Jonathan Hayward.
«Na hetym tydni zachavajecca ciopłaje nadvorje, ale jano budzie syroje, vietranaje i z častymi daždžami», — paviedamiŭ načalnik słužby hidramietearałahičnych prahnozaŭ Biełhidramieteacentra Dźmitryj Rabaŭ.
Pavodle jaho słoŭ, «bolšaja častka tydnia projdzie pad znakam aktyŭnych atmaśfiernych frantoŭ».
U aŭtorak nadvorje budzie znachodzicca pad upłyvam frantoŭ, što buduć źmiaščacca z paŭdniovaha zachadu Jeŭropy. Na bolšaj častcy terytoryi projduć daždžy. Tempieratura pavietra plus 3—9°S, dniom plus 10—15°S.
U sieradu čakajecca samaje drennaje na tydni nadvorje. Nočču na bolšaj častcy terytoryi, a dniom miescami projduć mocnyja daždžy. Tempieratura ciaham sutak plus 4—10°S, pa paŭdniovym uschodzie — plus 10—14°S.
U čaćvier na bolšaj častcy terytoryi projduć karotkačasovyja daždžy, dniom čakajecca ŭzmacnieńnie vietru z paryvami da 15—18 m/s. Nočču plus 1—7°S, dniom ad plus 3 pa paŭnočnym uschodzie da 10°S pa paŭdniovym zachadzie krainy.
U piatnicu nočču na bolšaj častcy terytoryi, a dniom miescami čakajucca karotkačasovyja daždžy. Nočču plus 1—7°S, dniom plus 3—10°S.
«U vychadnyja dni atmaśfiernyja franty pakinuć našu krainu i z rostam atmaśfiernaha cisku daždžy na bolšaj častcy terytoryi spyniacca», — zaznačyŭ sinoptyk.
U subotu miescami karotkačasovyja daždžy. Tempieratura nočču 0 — plus 6°S, dniom plus 5—10°S.
U niadzielu miescami pa paŭdniova-zachodniaj pałovie karotkačasovyja daždžy. Tempieratura nočču plus 2 — 8°S, dniom plus 6—12°S. U
najbližejšyja sutki ŭ Hrodnie čakajucca karotkačasovyja daždžy. Tempieratura nočču plus 6—8°S, dniom plus 10—12°S.
U Breście časam doždž. Tempieratura pavietra nočču plus 7—9°S, dniom plus 11—17°S.
U Homieli ranicaj i dniom karotkačasovyja daždžy. Nočču plus 4—6°S, dniom plus 12—15°S.
U Mahilovie časam doždž. Tempieratura pavietra nočču plus 5—7°S, dniom plus 10—12°S.
U Viciebsku časam karotkačasovy doždž. Nočču plus 4—7°S, dniom plus 10—11°S.
U Minskaj vobłaści vobłačna z prajaśnieńniami, miescami karotkačasovy doždž, viecier paŭdniovaj čverci, paryvy da 14 m/s. Tempieratura pavietra nočču plus 4—9°S, dniom plus 9—14°S.
U stalicy vobłačna z prajaśnieńniami, časam daždžy. Viecier paŭdniovaj čverci, paryvy da 14 m/s. Tempieratura pavietra nočču plus 5—7°S, dniom plus 9—12°S.
