Kanjunkturnaje apytańnie pramysłovych pradpryjemstvaŭ, praviedzienaje ŭ kastryčniku hetaha hoda, zafiksavała stahnacyju vytvorčaści.
Pra heta havorycca ŭ spravazdačy ab vynikach apytańnia, praviedzienaha Navukova-daśledčym ekanamičnym instytutam (NDEI) Ministerstva ekanomiki.
«Kanjunkturnaje apytańnie, praviedzienaje ŭ kastryčniku hetaha hoda, zafiksavała stahnacyju vytvorčaści i popytu, nievialikaje źnižeńnie ŭzroŭniu zahruzki mahutnaściaŭ i zaniataści. Zapavoliłasia skaračeńnie zapasaŭ hatovaj pradukcyi, rost cen niaznačna paskoryŭsia», — kanstatujuć u spravazdačy śpiecyjalisty NDEI Minekanomiki.
Indeks pramysłovaha aptymizmu, jaki raźličvajuć na asnovie vynikaŭ apytańnia śpiecyjalisty instytuta, u kastryčniku źniziŭsia na 5 punktaŭ i skłaŭ minus 24 punkty.
«Nizki ŭzrovień hetaha pakazčyka abumoŭleny pieravahaj niehatyŭnych prahnoznych acenak vypusku pradukcyi i adlustroŭvaje ŭzmacnieńnie niehatyŭnych tendencyj u pramysłovaści», — tłumačać śpiecyjalisty NDEI Minekanomiki.
Bolš jak pałova kiraŭnikoŭ (59%) prampradpryjemstvaŭ, jakija ŭziali ŭdzieł u apytańni, miarkujuć, što najbližejšym miesiacam ekanamičnaje stanovišča ich arhanizacyj nie źmienicca.
Dola niehatyŭnych acenak skłała 22%, što na 5 punktaŭ bolš, čym u vieraśni. Tolki 17% apytanych prahnazujuć palapšeńnie, havorycca ŭ spravazdačy.
Kiraŭniki pradpryjemstvaŭ nie čakajuć u najbližejšyja miesiacy rostu abjomaŭ vytvorčaści.
«Čakańni kiraŭnikoŭ u śfiery abjomaŭ vypusku, chutčej, možna acharaktaryzavać jak piesimistyčnyja, niahledziačy na toje što dola kiraŭnikoŭ, jakija prahnazujuć najbližejšym miesiacam rost vytvorčaści, pieravažaje nad dolaj niehatyŭnych prahnozaŭ (28% suprać 23%).
Praktyčna pałova respandentaŭ (49%) miarkujuć, što vypusk pradukcyi na pradpryjemstvach zastaniecca na raniejšym uzroŭni», — kanstatujuć śpiecyjalisty NDEI Minekanomiki.
Vyniki kastryčnickaha kanjunkturnaha apytańnia, praviedzienaha NDEI Minekanomiki, utrymlivajuć acenki, atrymanyja ad 423 kiraŭnikoŭ pramysłovych pradpryjemstvaŭ.
Z usich pradpryjemstvaŭ z kolkaściu zaniatych bolš jak 100 čałaviek, na dolu jakich prypadaje pryblizna 90% pramysłovaha vypusku krainy, u kanjunkturnaje apytańnie ŭklučany bolš jak tracina.
