Ukrainski hurt «Okiean Jelzi» aštrafavali ŭ rasijskim Saratavie za pracu biez afarmleńnia nieabchodnaha dazvołu, paviedamiła ŭ sieradu ŭpraŭleńnie Fiederalnaj mihracyjnaj słužby Rasii pa Sarataŭskaj vobłaści, paviedamlaje Bi-Bi-Si.
relax.com.ua
Pa źviestkach viedamstva, supracoŭniki mihracyjnaj słužby 2 listapada praviali pazapłanavuju pravierku ŭ Sarataŭskim ladovym pałacy sportu «Kryštal», dzie prachodziŭ kancert hurtu.
«U chodzie pravierki było ŭstanoŭlena, što dazvolnych dakumientaŭ na ažyćciaŭleńnie pracoŭnaj dziejnaści na terytoryi Rasii muzyki nie majuć i nie afarmlali», - havorycca ŭ paviedamleńni viedamstva.
U vyniku dzieviaciarych muzykaŭ hurtu aštrafavali na ahulnuju sumu 18 tys. rasijskich rubloŭ (prykładna 5 młn biełaruskich), a arhanizatary kancerta abaviazany zapłacić 225 tys. rubloŭ (64 młn biełaruskich) za «niezakonnaje pryciahnieńnie zamiežnych mihrantaŭ da pracy».
U śniežni «Okiean Jelzi» pryjedzie ŭ Biełaruś.
2 śniežnia vystupić u Viciebsku, 3-ha — u Mahilovie, a 8 śniežnia projdzie kancert u «Minsk-Arenie»
