U Minsku zatrymali dziesiać čałaviek, što čakali vyzvaleńnia z Centra izalacyi pravaparušalnikaŭ Juryja Rubcova, paviedamiła ŭ svaim fejsbuku Śviatłana Vinahradava.
Nahadajem, što žychar Homiela Juryj Rubcoŭ byŭ zatrymany ŭ niadzielu ŭ Kurapatach i asudžany na troje sutak za niepadparadkavańnie milicyi. Jon pryjšoŭ na akcyju ŭ majcy «Łukašenka, sychodź».
Siońnia jaho źbiralisia sustrakać na Akreścina kala 10 čałaviek, ź ich zatrymali: Juliju Sakałovu, Aksanu Ściapanavu, Paŭła Vinahradava, Leanida Kułakova, Marynu Citovu, Volhu Nikałajčyk, karespandenta haziety “Novy čas” Viačasłava Piaško i Juryja Rubcova.
Zatrymanych advieźli ŭ RUUS Makoŭskaha rajona.
