Zabaŭnuju historyju ŭ intervju vydańniu sports.ru raskazaŭ paŭabaronca maskoŭskaha «Łakamatyva» Dźmitryj Tarasaŭ. Havorka pra sieniehalskaha napadajučaha Damie N'Dojie.
«Jon prosta miehaniezvyčajny. Voś kažaš jamu frazu pa-rasiejsku, jon nie razumieje, što jana aznačaje, ale zapaminaje jaje i ŭ dakładnaści paŭtaraje. Byŭ niadaŭna vypadak na raźmincy, my znachodzilisia pobač z N'Dojie, i ja vyrašyŭ pažartavać ź jaho. Nu, viedajecie, jak dzieciam pakazvajuć palcam na hrudzi, kažuć, maŭlaŭ, što heta ŭ ciabie tut zapeckana, jany nachilajuć hałavu pahladzieć, a vy ich chapajecie za nos. Dyk voś N'Dojie, mabyć, hety žart nie viedaŭ. Kali ja jaho schapiŭ tak, jon śmiajaŭsia prosta nierealna.
My kažam jamu: « N'Dojie, idzi zrabi tak druhomu ci treciamu trenieru, paśmiajomsia ŭsie razam ». Raptam padychodzić da nas Stanisłavavič (Kučuk. – biełaruski śpiecyjalist, hałoŭny trenier «Łakamatyva» – «NN» ).
N'Dojie asabliva nie dumaje i pakazvaje jamu na hrudzi: «Koŭč, što heta?» Kučuk, naturalna, hałavu nachilaje, i N'Dojie ŭsioj dałońniu jak za nos jaho schopić. Vy b bačyli vočy Kučuka ŭ pieršyja siekundy. Ale jon nie pakryŭdziŭsia, u vyniku zaŭśmichaŭsia i paśmiajaŭsia. My potym N'Dojie skazali, kab jon tak tolki ź siabrami rabiŭ. Na što jon adkazaŭ: «Ničoha nie viedaju, koŭč - moj siabra!»
