Prykładna a 15-aj hadzinie stała viadoma, što milicyja zatrymała ludziej, jakija pryjšli sustrakać z turmy Juryja Rubcova.
Zatrymanych advieźli u milicyju Maskoŭskaha rajonu Miensku. Siarod zatrymanych Leanid Kułakoŭ, Maryna Citova, Volha Nikałajčyk, Pavał Vinahradaŭ, Aksana Ściapanava, Juryj Rubcoŭ, Jula Sakałova, žurnalisty Nastaśsia Reźnikava i Viačasłaŭ Piaško.
U pastarunku ŭ ich pierapisali rečy i asabistyja dadzienyja, pratrymali kala troch hadzinaŭ.
Jak raspavioŭ Svabodzie Ilja Dabratvor, u Rubcova źniali majku biez składańnia pratakołu. Sam Rubcoŭ zajaviŭ, što zatrymańni i aryšt jaho nie strymajuć, što jon dalej budzie chadzić u majcy. U jaho takich majek niekalki.
4 listapada Juryja Rubcova aryštavali na troje sutak. Jaho zatrymali 3-ha paśla šeścia ŭ Kurapaty.
Padčas akcyi Dziady Jury Rubcoŭ prajšoŭ u majcy, na adnym baku jakoj było napisana «Łukašenka, sychodź!», a na druhim — «Čatyry razy prezydent — nie! Heta nie prezydent, a car-samazvaniec».
Na pačatku šeścia milicyja patrabavała, kab Rubcoŭ źniaŭ majku. Adnak jon nie pasłuchaŭsia.
