Prezident ZŠA paprasiŭ prabačeńnia ŭ amierykancaŭ, jakija hublajuć miedycynskaje strachavańnie ŭ vyniku ŭstupleńnia ŭ siłu zakona ab dastupnym miedycynskim absłuhoŭvańni, jaki byŭ pryniaty try ź lišnim hady tamu na jahonuju inicyjatyvu.
«Ja prynošu prabačeńni za toje, što ludzi apynulisia ŭ ciapierašniaj situacyi na padstavie zapeŭnivańniaŭ, atrymanych ad mianie»,— skazaŭ prezident u intervju telekampanii NBC.
Havorka idzie pra abiacańnie, zroblenym prezidentam padčas abmierkavańnia zakona, pryniataha nasupierak pratestam zakanadaŭcaŭ-respublikancaŭ.
Prezident ZŠA nieadnarazova abiacaŭ amierykancam, što ŭ vyniku ažyćciaŭleńnia reformy sistemy miedycynskaha strachavańnia dla tych, u kaho jość strachoŭka, ničoha nie źmienicca. U rečaisnaści, kala 5% nasielnictva (15 młn čałaviek) straciać strachoŭku i buduć vymušanyja ŭ vyniku zaklučeńnia novych strachavych damovaŭ płacić značna bolš.
Prezident Abama pryznaŭ, što inicyjatary zakona nie daviali da viedama ludziej poŭnaj infarmacyi pra źmieny, jakija stanuć vynikam ŭstupleńnia zakona ŭ siłu, ale adchiliŭ abvinavačvańni krytykaŭ u tym, što Bieły Dom i jaho sajuźniki ŭviali amierykancaŭ u zman u nadziei damahčysia padtrymki reformy ŭ Kanhresie.
Strachavyja kampanii śćviardžajuć, što pryčynaj spynieńnia strachavańnia źjaŭlajecca nieabchodnaść źmieny strachavych pahadnieńniaŭ i ŭklučeńnia ŭ ich cełaha šerahu novych pasłuh, uviedzienych novym zakonam, što ciahnie značnaje pavyšeńnie koštu strachavańnia.
Zakanadaŭcy i Bieły Dom zaklikajuć strachavyja kampanii pačakać z pavyšeńniem koštaŭ strachavych polisaŭ, nastojvajučy na tym, što pa miery raźvićcia rynku strachavańnia, ich ceny pačnuć źnižacca.
