A pałovie vośmaj ranicy 7 listapada 24-hadovy mužčyna na «Folksvahienie» zajechaŭ u hrupu ludziej, paviedamlaje sajt DAI Hrodna i Hrodzienskaj vobłaści.
Z vulicy Papoviča jon pavaročvaŭ na vulicu Savieckich pamiežnikaŭ. Zialonaja strełka dadatkovaj siekcyi śviatłafora taki manieŭr dazvalała. Adnak pierad tym jak paviarnuć, kiroŭca musiŭ prapuścić piešachodaŭ, jakija taksama išli na «zialonaje» śviatło.
Parušalnik hetaha nie zrabiŭ i źbiŭ junaka, jaki pierasiakaŭ prajeznuju častku. Paciarpieły atrymaŭ pierałom skivicy i byŭ špitalizavany.
Na tym ža piešachodnym pierachodzie «Folksvahien» źbiŭ pažyłoha mužčynu, jaki prykładna mietr nie dajšoŭ da raździalalnaha hazona. Ad udaru ŭ śpinu piensijanier zvaliŭsia na astravok biaśpieki. Ad miedycynskaj dapamohi jon admoviŭsia.
Parušalnik nie staŭ spyniacca i paviarnuŭ na vulicu Citova. Na płoščy Dziekabrystaŭ jon ŭbačyŭ padadzieny inśpiektaram žazłom sihnał ab spynieńni, ale nie padparadkavaŭsia i pasprabavaŭ źjechać. Sproba skončyłasia ŭdaram u aśviatlalnuju aporu.
U časie zatrymańnia jon supraciŭlaŭsia, milicyjanty vymušanyja byli prymianić śpiecyjalnyja srodki.
Ad dačy tłumačeńniaŭ zatrymany naadrez admoviŭsia. Utrymańnie ałkaholu ŭ jaho arhaniźmie bolš čym u siem razoŭ pieravysiła dapuščalnaje — 2,14 pramile.
