Rehijanalnaja kanferencyja kaalicyi "Inšaja Rasieja" ŭ Sankt-Pieciarburhu padtrymała ŭ niadzielu 23 vieraśnia kandydaturu Hary Kasparava, lidera Abjadnanaha hramadzianskaha frontu (AHF), u jakaści adzinaha kandydyta ad apazycyi na prezydenckija vybary 2008 hodu.
Takija kanferencyi, hałoŭnaj metaj jakich jość vyłučeńnie adzinaha kandydata apazycyi, jaki ŭ sakaviku 2008 hodu budzie spaborničać z kandydyatam Kramlu, adbylija ŭžo ŭ zvyš 40 rehijonach Rasiei.
U niekatorych rehijonach z pryčyny abstrukcyi z boku uładaŭ kanferencyi "Inšaj Rasiei" nie mieli vyniku. Hetak było ŭ Maskvie, Nižnim Noŭharadzie, Smalensku, Čelabinsku j Čuvašyi.
"Inšaja Rasieja" abjadnoŭvaje palitykaŭ liberalnych i levych pohladaŭ, jakija vystupajuć suprać palityki prezydenta Uładzimiera Pucina. Pa-za AHF Kasparava dziejničaje Respublikanskaja Partyja Rasiei Uładzimiera Ryžkova j Nacyjanał-balšavickaja Partyja Eduarda Limonava.
Hałoŭnymi supiernikami Kasparava, byłoha čempijona śvietu pa šachmatach, źjaŭlajucca były premjer Michaił Kaśjanaŭ, były staršynia Centralnaha banku Rasiei Viktar Hieraščanka, a taksama emihracyjny piśmieńnik i abaronca pravoŭ čałavieka Uładzimier Bukoŭski.
U Pieciarburzie dadatkova supierničaŭ ź im viadomy miascovy palityk Siarhiej Hulajeŭ. Kasparaŭ pieramoh zhodna vyniku hałasavańnia 111:76.
U paniadziełak svaju rehijanalnuju kanferencyju "Inšaja Rasieja" budzie paŭtorna sprabavać pravieści ŭ Maskvie.
Vybary prezydenta ŭ Rasiei adbuducca 2 sakavika 2008 hodu. Paperednie jm – 2 śniežnia – vybary parlamentu.
