Eŭrapiejskaja kamisija siońnia paviedamiła, što Eŭraźviaz vitaje biełarusaŭ, jakija navažylisia pravieści “Eŭrapiejski marš” u Miensku 14 kastryčnika.
Eŭrakamisar u pytańniach źniešnich suviaziach i palityki dobrasusiedztva Benita Ferera-Valdner siońnia vystupiła z zajavaj, dzie adznačana, što “Eŭrapiejski marš” śviedčyć pra žadańnie narodu Biełarusi adkazać na prapanovy Eŭraźviazu pra bolš ciesnyja suviazi. Eŭrakamisar taksama asudziła niadaŭniuju chvalu aryštaŭ demakratyčnych aktyvistaŭ.
Presavy sakratar Eŭrakamisii Amadeŭ Altafaž Tardyjo zajaviŭ:
“My miarkujem, što marš 14 kastryčnika asabliva važny, pakolki hramadzianie Biełarusi źviazvajuć svaje nadziei na svabodu i demakratyju z Eŭropaj. Jany adčuli, što Eŭropa padtrymlivaje ichnyja pamknieńni. My padtrymlivajem kantakt z arhanizatarami maršu, my padzialajem ich kłopaty i my hanarymsia tym, što jany ličać Eŭropu adnym sa svaich hałoŭnych pryjarytetaŭ”.
