Zadača ŭ Chamienki ambitnaja — zakłaści asnovy sapraŭdnaha biełaruskaha humarystyčnaha intelektualnaha šou, jakoje adbyvajecca tut i ciapier, užyvuju. «Ideja takoha prajekta źviazanaja ź niedachopam kancertaŭ i vystupaŭ biełaruskich artystaŭ razmoŭnaha žanru, — tłumačyć Aleh. — Chaciełasia b zhadać impravizacyjnyja adčuvańni pry razmovie, jakich zusim nie staje ŭ budzionnym žyćci». Da prajekta «Sustrečy darečy» dałučylisia taksama viadomyja błohiery i daśviedčanyja televizijniki Aleś Kruhlakoŭ i Uładzimir Maksimkaŭ, kolišni hienpradziusar BT.
«Publičnaja siabroŭskaja razmova — vielmi składany farmat. Adnak ja spadziajusia na vialiki vopyt maich paplečnikaŭ i dobrazyčlivy nastroj publiki.
Kaniečnie, ja budu jašče i śpiavać, ale pasprabuju heta rabić tak, jak heta adbyvajecca va ŭtulnych kampanijach siabroŭ», — zaŭvažyŭ Chamienka ŭ kamentary Tuzin.fm.
«Sustrečy darečy» adbudziecca 18 listapada ŭ rok-bary «Kryły», što ŭ budynku DK MTZ.
Uziać udzieł u imprezie moža kožny achvočy ŭ jakaści słuchača, a to i aktyŭnaha ŭdzielnika.