Z 1 kastryčnika, zhodna z Praviłami viadzieńnia palaŭničaj haspadarki i palavańnia, u krainie raspačynajecca čarhovy asieńnie-zimovy siezon palavańnia.
U pryvatnaści, pa 15 śniežnia zahonam i z palaŭničymi sabakami (akramia chartoŭ i hančakoŭ) u śvietły čas sutak i z zasady z vyšak, z padychodu na praciahu sutak dazvalajecca zdabyvać łasia, vysakarodnaha alenia, dzika, kazulu. Palavańnie ružejnym sposabam raspaŭsiudžvajecca na žyviołu luboha połu i ŭzrostu, akramia śvinamatak—važakoŭ statku.
Taksama z 1 kastryčnika raspačynajecca asieńnie-zimovy siezon palavańnia na račnoha babra i račnuju vydru. Dazvoleny jon budzie pa 31 śniežnia ŭ śvietły čas sutak na žyviołu luboha połu i ŭzrostu. Kali raniej zdabyvać babra možna było tolki biezružejnym sposabam (łavuškami, sačkami, kapkanami) — z palaŭničymi sabakami (akramia chartoŭ i hančakoŭ), dyk ciapier, jak paviedamili nam va ŭpraŭleńni palaŭničaj haspadarki Ministerstva lasnoj haspadarki, budzie dazvolena i ružejnaje palavańnie na račnoha babra. Sprava ŭ tym, što palavać na jaho biezružejnym sposabam — zaniatak daloka nie lohki, nie kožnamu palaŭničamu jon byŭ daspadoby. A kolkaść papulacyi babra miž tym za apošni čas istotna pavialičyłasia
Z 1 kastryčnika pa 15 studzienia budzie doŭžycca i palavańnie na andatru: biezružejnym sposabam žyviołu luboha połu i ŭzrostu na praciahu hetaha terminu možna budzie zdabyvać u śvietły čas sutak.
Varta nahadać taksama, što, zhodna z novaŭviadzieńniami ŭ Praviły viadzieńnia palaŭničaj haspadarki i palavańnia, jakija pryniali ŭviesnu hetaha hoda, palavańnie na ŭsie vidy dzikaj žyvioły ciapier dazvalajecca ŭ subotu, niadzielu, paniadziełak, aŭtorak i ŭ dziaržaŭnyja śviaty (raniej akramia śviataŭ palavańnie dazvalałasia tolki ŭ subotu i niadzielu).
