«Šosty ŭkład hruntujecca na bijatechnałohijach, robatatechnicy, termajadziernaj enierhietycy i inšych rečach. Pry zachavańni ciapierašnich tempaŭ raźvićcia ŭkład ustalujecca za dziesiacihodździe, a dasiahnie svajoj stałaści praz 25-30 hadoŭ, nie inakš, — pieradaje słovy Rahozina karespandent «Haziety.Ru». — U ZŠA kala 10 % ekanomiki pracujuć u hetym siehmiencie. U Rasii kazać pra heta pakul rana. U svoj čas SSSR vyjhraŭ čaćviorty ŭkład, piaty my prapuścili. Rasii treba nie dahaniać, a «zrazać kut». Ciapier u nas maje miesca inavacyjnaja paŭza — novyja technałohii nie stali pakul šyrokimi, a infakamunikacyjnyja technałohii i elektronika ŭžo blizkija da vyčarpańnia. Vajennyja ekśpierty vykarystoŭvajuć paniaćcie «technałahičnaha barjera» — kali rost koštu raspracovak nie aznačaje praparcyjanalnaha rostu jakaści. Da prykładu, kožnaje novaje pakaleńnie samalotaŭ kaštuje na paradak bolš.
Technałahičny barjer staić pierad raźvitymi krainami, Rasija da jaho tolki nabližajecca. Treba vybrać napramki, zrabić na ich ryvok, ździejśnić zvyšmadernizacyju. Vobłaści dla ryŭka — naprykład, srodki suviazi. Ale jość i inšyja pytańni — bieśpiłotnyja latalnyja aparaty, elektronna-kampanientnaja baza. Jość roznyja sposaby pieraadoleńnia barjera. Naprykład, možna zasiarodzić hihanckija hrašovyja i intelektualnyja inviestycyi. Ale jość i varyjant praryvu, źviazany z novymi technałohijami. I tut na pieršy płan vychodziać fundamientalnyja daśledavańni, naprykład, u halinie nanatechnałohij, bijatechnałohij i hetak dalej».
Dźmitryj Rahozin taksama raskazaŭ ab mahčymaści stvareńnia zbroi na zvyšchutkaściach (hipierchutkaściach, jakija pieravyšajuć chutkaść huku ŭ 6-20 razoŭ) i pryvioŭ prykład z teoryi «bieskantaktavych vojn», kali tradycyjnaja armija budzie biaśsilnaja suprać addalenaha praciŭnika. Paśla hetaha vice-premjer zajaviŭ, što šosty technałahičny ŭkład «źmienić palityku vojnaŭ, niekatoryja dziaržavy dasiahnuć takoj pieravahi, što bajavych strat u ich nie budzie, a tradycyjnyja uzbrojenyja siły straciać sens».
