U ES zhodnyja adyści ad pratakołu i hatovyja pryniać rašeńnie pa Ukrainie ŭ apošni momant, pakolki heta dapamoža ŭtrymać Rasieju ŭ zachodniaj cyvilizacyi. Ab takoj svajoj pazicyi ŭ intervju «Ukrainskaj praŭdzie» raspavioŭ pasoł Litvy ŭ Ukrainie Piatras Vajtekunas.
«Na maju dumku, našaj supierzadačaj źjaŭlajecca Rasija – nie addać Rasiju, nie stracić Rasiju», – skazaŭ jon. «Nie stracić samu Rasieju jak krainu, jakaja patencyjna ŭ budučyni, na moj pohlad, budzie naležać zachodniaj cyvilizacyi», – dadaŭ Vajtekunas.
«Pavarot takoj vializnaj adzinki jak Ukraina ŭ bok Mytnaha sajuza tam padymie chvalu revanšyzmu, niepaćvierdžanych, nieabhruntavanych čakańniaŭ: maŭlaŭ, chłopcy, kali my mahli paviarnuć nazad Ukrainu, to my možam viarnuć nazad usio: chod historyi, i stvaryć štości ŭ procivahu Zachadu», – rastłumačyŭ jon. «Dla vykanańnia hetaj supierzadačy – nie stracić Rasiju – pa-pieršaje, treba nie stracić Ukrainu», – padkreśliŭ Vajtekunas.
Adkazvajučy na pytańnie ab tym, kali moža być pryniata rašeńnie pa pahadnieńni Ukrainy ab asacyjacyi ź ES, pasoł Litvy vykazaŭ zdahadku, što heta moža adbycca ŭ apošnija hadziny pierad samitam.
«Heta rašeńnie budzie prymacca na samicie 28–29 listapada ŭ Vilni. I padobna na toje, što heta rašeńnie budzie prymacca nie ŭ apošnija dni, a ŭ apošnija hadziny abo navat apošnija chviliny», – dadaŭ jon.