Abmiežavańni pa ŭzroŭni handlovych nadbavak źniatyja na miasa, syry, sol, sieladziec, kavu i harbatu.
Adpaviednuju pastanovu pryniało Ministerstva ekanomiki 5 listapada, i jana ŭstupiła ŭ siłu siońnia, paśla apublikavańnia na Nacyjanalnym pravavym internet-partale.
Abmiežavańni pa ŭzroŭni handlovych nadbavak źniatyja u pryvatnaści, na:
farš ź jałavičyny i śvininy, miasa kurej i kuraniat-brojleraŭ, pielmieni ź jałavičyny, śvininy i miasa kurej, kryvianyja i liviernyja kaŭbasy, miasny chleb, zielcy i paštety, šerah katehoryj ćviordych, paŭćviordych i miakkich syroŭ, sol, salonuju rybu (siamiejstva sieladcapadobnych), kavu i harbatu.
Handlovyja i aptovyja nadbaŭki na hetyja tavary buduć prymianiacca z ulikam najaŭnaj kanjunktury rynku.
Cenavaje rehulavańnie zachoŭvajecca na asnoŭnyja hrupy charčovych tavaraŭ masavaha popytu, jakija majuć sacyjalnuju nakiravanaść, padkreślena ŭ kamientary Minekanomiki.
Adznačajecca taksama, što hetaje rašeńnie pryniata Ministerstvam ekanomiki ŭ ramkach pastanovy ŭrada ad 25 kastryčnika №934, jakoje źmianiła pieralik tavaraŭ i pasłuh, ceny i taryfy na jakija rehulujucca Minekanomiki.
Zhodna z pastanovaj Saŭmina, vyšejpakazanyja tavary byli vyklučanyja ź pieraliku sacyjalna značnych.