Žychary Homiela praciahvajuć zmahacca za zachavańnie draŭlanaj zabudovy na vulicy Vałataŭskoj.

Pakolki Ministerstva kultury admoviłasia nadać draŭlanym damam status historyka-kulturnaj kaštoŭnaści, na ich miescy ŭ vyniku budzie pabudavany šmatpaviarchovik.

Adnak hramadzianie horada prapanavali novy varyjant zachavańnia draŭlanaj zabudovy – jaje možna pieranieści na vulicu Arcioma, albo na vulicu Praletarskuju.

Adpaviedny prajekt raspracavany studentami Biełaruskaha dziaržaŭnaha ŭniviersiteta transpartu.

«My adnieśli prapanovu ŭ vykankam na hetym tydni, — raskazvaje Maryja Bułavinskaja, adna z aktyŭnych abaroncaŭ draŭlanaj zabudovy. — Naša prapanova zarehistravana, adnak prablema ŭ tym, što damki mohuć być źniesienyja ŭ luby momant — adpaviednyja dakumienty ŭžo znachodziacca ŭ čynoŭnikaŭ, i ŭžo navat padpisanyja. Tym nie mienš, my płanujem zaŭtra adpravicca da čynoŭnikaŭ, z prapanovaj pieranosu draŭlanaj zabudovy».

Hramadskija arhanizacyi i inicyjatyvy Homiela padpisali pietycyju za zachavańnie draŭlanaj zabudovy.

Niekalki dziasiatkaŭ prafiesaraŭ i kandydataŭ histaryčnych navuk ci mastactvaznaŭstva pryznali ŭnikalnaść doma pa Vałataŭskoj, 17, i padpisali śpiecyjalny zvarot. Historyki i architektary raspracavali prajekty pieranosu damoŭ i stvareńnia turystyčnaha maršrutu. Źjavilisia inviestary, hatovyja za svoj košt restaŭravać budynki.

U abaronu architektury vykazalisia navukoviec Adam Maldzis i viadučy Juryj Žyhamont.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?