Alaksandr Łukašenka patrabuje ad uładaŭ Minska i Minskaj vobłaści pravodzić pradumanuju palityku pa farmiravańni abličča stalicy i jaje vakolic.
Pra heta jon zajaviŭ siońnia, naviedvajučy ŭ Minskim rajonie transpartna-łahistyčny centr.
«Treba razumna padyści da taho, kab kančatkova sfarmavać abličča horada i taho, što vakoł jaho», — skazaŭ jon.
Alaksandr Łukašenka, u pryvatnaści, adznačyŭ, što ŭ apošni čas uzrastaje kolkaść žadajučych atrymać ziamielny ŭčastak pad budaŭnictva.
«Treba ŭščylniacca, pierš za ŭsio, u horadzie. Ale nie za košt taho, kab pasiarod dvara pastavić dzieviacipaviarchovy dom i razzłavać ludziej. U nas šmat pustujučych kavałkaŭ ziamli ŭnutry MKAD», — dadaŭ Łukašenka.
