Žančyny značna radziej adčuvajuć arhazm padčas vypadkovaha seksu i kudy čaściej padčas seksu sa stałym partnioram. Da takoj vysnovy pryjšli daśledčyki ź Instytuta Kinzi pry Univiersitecie Indyjany ŭ ZŠA.
«Nam uvieś čas naviazajuć ideju, što my pavinny być seksualna raźniavolenymi, tamu što žyviom u inšy čas, adrozny ad kansiervatyŭnaha minułaha, — kaža aŭtar daśledavańnia Džaścin Harsija. — Idzie ahresiŭnyja naviazvańnie idei vypadkovaha seksu biez abaviazacielstvaŭ, jak svajho rodu formy intymnaha vyzvaleńnia.
Ale my vyśvietlili cikavy fakt: daloka nie ŭsie atrymlivajuć zadavalnieńnie ad hetaha ładu žyćcia». Da svaich nazirańniaŭ Harsija pryciahnuŭ bolš za 600 studentaŭ kaledža.
Akazałasia, što dziaŭčyny na 50 % radziej adčuvali arhazm padčas pałavych znosin abo aralnaha seksu, što adbylisia paśla vypadkovaha znajomstva, čym kali jany zajmalisia seksam sa stałymi partniorami.
«Žančyny adčuvajuć siabie niedastatkova svabodnymi padčas vypadkovaha seksu, kab skazać partnioru, što mienavita im chočacca, i jak im lepš prynosić zadavalnieńnie», — tłumačyć dadzienuju asablivaść sacyjołah Univiersiteta Ńju-Jorka Poła Inhłand.
Jana sama praviała daśledavańni z udziełam 24 tysiač studentaŭ z 21 kaledža, jakoje pakazała, što 40 % žančyn pieražyli arhazm padčas svajho apošniaha vypadkovaha seksu. Siarod mužčyn takich akazałasia cełych 80%.
Dla paraŭnańnia, 75% pradstaŭnic pryhožaha połu pieražyli arhazm padčas apošniaha pałavoha aktu z pastajannym partnioram.
Psichołahi ličać, što žančyny atrymlivajuć mienš zadavalnieńnia ad vypadkovaha seksu jašče i tamu, što hramadstva asudžaje za padobnyja adnosiny mienavita ich.
Akramia taho, žančynam dla sapraŭdnaha zadavalnieńnia patrabujecca nie tolki fizičnaja, ale i emacyjnaja suviaź z partnioram, čaho składaniej damahčysia pry vypadkovym seksie.
