Deputaty pałaty pradstaŭnikoŭ na pasiadžeńni 22 listapada pryniali ŭ pieršym čytańni papraŭki ŭ Kodeks ab administracyjnych pravaparušeńniach i Pracesualna-vykanaŭčy kodeks ab administracyjnych pravaparušeńniach.
Zakonaprajekt ustanaŭlivaje administracyjnuju adkaznaść hramadzian za pradastaŭleńnie žyłoha pamiaškańnia, pabudavanaha ci nabytaha z pryciahnieńniem ilhotnaha kredytu, ci jaho častki ŭ arendu da poŭnaha pahašeńnia hetaha kredytu biez dazvołu adpaviednaha miascovaha vykanaŭčaha i rasparadčaha orhana.
Jak paviedamiła pieršy namieśnik ministra architektury i budaŭnictva Iryna Archipava, za ažyćciaŭleńnie adpaviednych dziejańniaŭ praduhledžvajecca
spahnańnie štrafu ŭ sumie ad 4 da 30 bazavych vieličyń, za paŭtornaje pravaparušeńnie na praciahu hoda — ad 30 da 50 bazavych vieličyń.
Nahadajem, 1 červienia hetaha hoda nabyŭ moc ukaz prezidenta №246, zhodna ź jakim zabaraniajecca pradastaŭleńnie hramadzianami ŭ arendu žylla, pabudavanaha z pryciahnieńniem ilhotnaha kredytu, da poŭnaha jaho pahašeńnia, za vyklučeńniem vypadkaŭ, kali zdača ŭnajmy hetych pamiaškańniaŭ dazvolena miascovymi orhanami ŭłady.
Miascovyja vykanaŭčyja i rasparadčyja orhany sumiesna z MUS abaviazany zabiaśpiečvać sistematyčny kantrol za vykanańniem ustanoŭlenaha paradku pradastaŭleńnia ŭnajmy žyłych pamiaškańniaŭ, pabudavanych z pryciahnieńniem ilhotnaha kredytu. U vypadku parušeńniaŭ ustanoŭlenaha paradku ŭkazam praduhledžvajecca administracyjnaja adkaznaść dla hramadzian (štraf ad 4 da 30 bazavych vieličyń) i vyznačany ŭpaŭnavažanyja słužbovyja asoby dziaržaŭnych orhanaŭ, jakija majuć prava na składańnie pratakołaŭ pa takim administracyjnym pravaparušeńni.