42-hadovy Źmicier Dzičkoŭski ŭznačalvaŭ adno z samych paśpiachovych pryvatnych pradpryjemstvaŭ ad 2001 hoda i vyvieŭ jaho ŭ lidary svajoj haliny na suśvietnym rynku.
Zaraz vytvorcu žanočaj bializny «Miłavica» ŭznačalić Normunds Ozalińš.
Kantrolnym pakietam akcyj «Miłavicy» vałodaje estonski biznesoviec Tomas Tooł praz kampaniju SFG.
Raniej paviedamlałasia, što pry kancy červienia 2013 akcyjaniery kampanii SFG, jaki maje 80% akcyj «Miłavicy», nie praciahnuli paŭnamoctvy siabra naziralnaj rady chołdynha Paŭła Danejki. Raniej, u 2010 hodzie, z kiraŭnictva vyjšli top-menedžary Źmicier Dzičkoŭski i Siarhiej Kusonski.
Kampanii SFG naležyć prykładna 81% supolnaha pradpryjemstva ZAT «Miłavica», 50% u biełaruskich STAA «Handlovaja kampanija «Miłavica» i TAA «Miłavica-Łahistyk» i rasijskaj ZAT «Staličnaja handlovaja kampanija «Miłavica». Hetaj ža kampanii naležać inšyja aktyvy ŭ Estonii, Rasii, Francyi, Łatvii i Ukrainie (fabryka Lauma Lingerie). ZAT «Miłavica», u svaju čarhu, vałodaje 58% akcyj maładziečanskaj fabryki «Junona», 100% doli ŭ minskaj firmie «Džymił», minarytarnym pakietam u žodzinskim «Śvitanku» dy inšymi aktyvami.
Źmicier Dzičkoŭski ŭvachodziŭ u topy samych paśpiachovych i ŭpłyvovych biznesoŭcaŭ Biełarusi.
