Ministry abarony i zamiežnych spraŭ Jeŭrapiejskaha Sajuza damovilisia ab čatyroch asnoŭnych napramkach vajskovaha ŭzajemadziejańnia, dakładvaje Jane's. Havorka idzie pra pavietranuju dazapraŭku, bieśpiłotnyja latalnyja aparaty, kibierbiaśpieku i spadarožnikavyja sistemy suviazi. Bazavaje pahadnieńnie ab uzajemadziejańni było padpisana ŭ Bruseli 19 listapada, jano budzie kančatkova zaćvierdžana na pasiadžeńni ministraŭ abarony ES u śniežni. Padrabiaznaści pahadnieńniaŭ ab supracoŭnictvie ŭ halinie kibierbiaśpieki i spadarožnikavych sistem suviazi pakul nieviadomyja.
U ramkach prahramy raźvićcia adzinych standartaŭ pavietranaj dazapraŭki dzieviać krain, pradstaŭlenych u Jeŭrapiejskim abaronnym ahienctvie (EDA), – Bielhija, Francyja, Hrecyja, Vienhryja, Luksiemburh, Niderłandy, Polšča, Partuhalija i Ispanija, a taksama Narviehija (nie ŭvachodzić u ES) – padpisali pahadnieńnie ŭ namierach sumiesna nabyć novyja samaloty-zapraŭščyki. Park takich samalotaŭ, jakija znachodziacca ŭ sumiesnym vykarystańni krain, płanujecca sfarmavać da 2020 hoda. U častcy ŭzajemadziejańnia pa bieśpiłotnikach krainy Jeŭrasajuza damovilisia pracavać pa troch nakirunkach.
Pa-pieršaje, ź siami vajennych biudžetaŭ krain ES buduć vyłučacca srodki na raspracoŭku klučavych technałohij, patrebnych dla stvareńnia bieśpiłotnikaŭ, uklučajučy aŭtamatyčnyja ŭźlot i pasadku i sistemu kiravańnia pavietranym rucham.
Pa-druhoje, krainy buduć sumiesna raźvivać park vyšynnych raźviedvalnych bieśpiłotnikaŭ z bolšaj praciahłaściu palotu i abmieńvacca raźviedvalnaj infarmacyjaj.
I pa-treciaje, krainy ES damovilisia sumiesna vypracavać patrabavańni da pierśpiektyŭnych vyšynnych raźviedvalnych bieśpiłotnikaŭ ź vialikaj praciahłaściu palotu, jakija buduć raspracoŭvacca ŭ Jeŭropie. U ramkach hetaha ž kirunku supracoŭnictva krainy pradumajuć mahčymaść intehracyi vyšynnych bieśpiłotnych aparataŭ u adzinuju pavietranuju prastoru, u jakoj taksama zmohuć vykonvać paloty vajennyja i hramadzianskija samaloty.
U hetaj prahramie nie budzie ŭdzielničać Vialikabrytanija, jakaja raspracoŭvaje taki aparat samastojna. Na paradku dnia ŭ chodzie pasiadžeńnia ministraŭ abarony krain Jeŭrasajuza stajaŭ taksama piaty kirunak vajennaha supracoŭnictva – padtrymka abaronna-pramysłovaha kompleksu. Pa im baki damovicca nie zdoleli, pieravažna z-za nieabchodnaści admieny padatku na dabaŭlenuju vartaść pry mižnarodnaj kaapieracyi i raźmierkavańnia finansavańnia pry praviadzieńni sumiesnych raspracovak.
Zbolšaha realizacyja abumoŭlenych u pahadnieńni nakirunkaŭ uzajemadziejańnia ŭžo realizujucca. U vieraśni 2013 hoda EDA praviało vučeńni, metaj jakich była pravierka samalotaŭ-zapraŭščykaŭ VPS Italii na adpaviednaść adzinym standartam pavietranaj dazapraŭki Jeŭrasajuza. Uviadzieńnie adzinych standartaŭ pavietranaj dazapraŭki na terytoryi ES pačałosia ŭ 2012 hodzie paśla vychadu adpaviednaj dyrektyvy EDA.
