18-hadovaja Viktoryja Azaranka ŭpieršyniu ŭ svajoj karjery ŭźniałasia na 35-je miesca ŭ suśvietnym rejtynhu tenisistak, jakija vystupajuć u adzinočnym razradzie, i na 42-je — u parnym rejtynhu.
Na minułym tydni spartsmienka ŭziała ŭdzieł u bujnym turniry ŭ Luksiemburhu (pryzavy fond 600 tys. dołaraŭ), dzie dajšła da ¼ finału ŭ adzinočnym razradzie i da finału ŭ parnym. U papiarednich rejtynhach Žanočaj tenisnaj asacyjacyi V.Azaranka zajmała adpaviedna 38-ju i 56-ju pazicyi.
19-hadovaja Volha Havarcova taksama ŭpieršyniu ŭ karjery ŭźniałasia na 55-je miesca ŭ adzinočnym razradzie. Na minułym tydni jana była 58-j.
U rejtynhu Asacyjacyi tenisistaŭ-prafiesijanałaŭ Maksim Mirny apuściŭsia z 95-ha na 97-je miesca ŭ adzinočnym razradzie i zastaŭsia na 12-m radku ŭ parnym.
