Respublika Biełaruś zacikaŭlena ŭ rabocie nad sumiesnymi prajektami z Abjadnanymi Arabskimi Emiratami pa zdabyčy i pierapracoŭcy nafty i naftachimii. Ab hetym zajaviŭ siońnia Dziaržsakratar Savieta Biaśpieki Viktar Šejman na sustrečy z delehacyjaj Abu-Dabi na čale sa staršynioj vykanaŭčaha aparatu ŭrada emirata Abu-Dabi AAE Chaldunam Chalifoj Al Mubarakam. Pierahavory prajšli ŭ Domie ŭrada z udziełam pieršaha vice-premjera Uładzimira Siamaški.
Jak adznačyŭ Viktar Šejman, u supracoŭnictvie z emiratam Abu-Dabi važnymi źjaŭlajucca taksama śfiery nieruchomaj majomaści, kamunikacyj, u tym liku vysokich technałoij z adpracoŭkaj roznych kaśmičnych tem. Pavodle słoŭ Viktara Šejmana, "my istotna rušyli napierad taksama pa tematycy vajenna-techničnaha supracoŭnictva". Dziaržsakratar Savieta Biaśpieki, jaki źjaŭlajecca taksama sustaršynioj rabočaj hrupy pa supracoŭnictvu z Abu-Dabi, padkreśliŭ važnaść vizitu hetaj delehacyi ŭ našu krainu. Na jaho dumku, heta stanie "zychodnym punktam u aktyvizacyi ŭzajemavyhadnaha dvuchbakovaha supracoŭnictva. My razhladajem našy adnosiny z AAE jak supracoŭnictva stratehičnych partnioraŭ".
Padpisanyja siońnia ŭ Minsku pratakoł i try miemarandumy ab uzajemarazumieńni pamiž bakami, jakija datyčacca najbolš pierśpiektyŭnych śfier supracoŭnictva, - heta tolki pačatak vialikaj sumiesnaj raboty. "My siońnia vyjšli na šerah damoŭlenaściej, jakija buduć kankretyzavany", - padkreśliŭ Viktar Šejman.
U svaju čarhu, staršynia vykanaŭčaha aparatu ŭrada emirata Abu-Dabi AAE Chaldun Chalifa Al Mubarak adznačyŭ, što Emiraty razhladajuć Biełaruś jak stratehičnaha partniora. Jon paćvierdziŭ hatoŭnaść jaho krainy pracavać va ŭsich napramkach supracoŭnictva. "My ličym pierśpiektyŭnymi prajekty ŭ nazvanych śfierach, - skazaŭ pan Mubarak. - Biełarusi ŭdałosia mnohaha dasiahnuć za apošni čas. My pavinny pradaŭžać raźvivać dasiahnutyja damoŭlenaści". Zamiežny hość vykazaŭ upeŭnienaść u tym, što dvuchbakovyja sustrečy pamiž Biełaruśsiu i AAE buduć mieć pastajanny charaktar i napaŭniacca efiektyŭnymi prajektami.