Čytačy paviedamili haziecie «Naša Niva», što na staličnym zavodzie «Amkador» na minułym tydni adbyŭsia strajk supracoŭnikaŭ liciejnaha cecha. Padstavaj stała zatrymka vypłaty zarobkaŭ.
Pavodle sajta «Revalucyjnaje dziejańnie», supracoŭniki vinavaciać u drennym finansavym stanoviščy pradpryjemstva dyrektara, jaki zaniaŭ pasadu hod tamu, i kiraŭničy piersanał. Prodažy hatovaj pradukcyi źnizilisia paśla ŭstupleńnia Rasii ŭ Suśvietnuju handlovuju arhanizacyju.
U vyniku, praź niekalki dzion paśla strajku zavod pahasiŭ zapazyčanaści pa vypłacie zarobkaŭ.
Kiraŭnictva zavoda admaŭlaje fakt strajku. Kiraŭnica pres-słužby chołdynha «Amkador» Natalla Kuźniacova nazvała infarmacyju pra strajk na zavodzie «niedakładnaj». Taksama pres-słužba nie paćvierdziła i infarmacyju pra zatrymku vypłaty zarobkaŭ.