Sud Čyhunačnaha rajona Homiela 2 śniežnia vynies prysud pa spravie troch členaŭ miascovaha motakłuba «Načnyja vaŭki», u tym liku jaho lidara Paŭła Kanina.

Sud pryznaŭ ich vinavatymi ŭ naniasieńni ciažkich cialesnych paškodžańniaŭ naviedvalniku kłuba hrupaj asob z chulihanskich mierkavańniaŭ (č. 2 art. 147 Kryminalnaha kodeksa) i pryhavaryŭ kožnaha da šaści hadoŭ pazbaŭleńnia voli.

Paciarpiełamu bajkiery pavinny vypłacić kampiensacyju zvyš 100 młn. rubloŭ na praciahu 10 dzion z momantu ŭvachodžańnia pryhavoru ŭ zakonnuju siłu.

U advarotnym vypadku ŭ hetych metach budzie kanfiskavana baza kłuba, a taksama matacykł Harley Davidson.

Pavodle viersii abvinavačańnia, u noč z 26 na 27 studzienia 2013 hoda troje pradstaŭnikoŭ motakłuba źbili 28-hadovaha naviedvalnika. Źbivańnie kvalifikavana jak naŭmysnaje pryčynieńnie ciažkich cialesnych paškodžańniaŭ. Zhodna z zaklučeńniem ekśpiertyzy, u paciarpiełaha byli množnyja krovapadcioki tułava i tupaja traŭmy pravaha voka, jakaja paciahnuła stopracentnuju stratu zroku.

Abvinavačanyja ŭ apošnim słovie nie pryznali svaju vinu.

Zhodna ź ich pakazańniami, naviedvalnik pryjšoŭ u kłub pjany i praciahvaŭ tam vypivać, pavodziŭ siabie aburalna, źnievažaŭ bajkieraŭ, skandaliŭ z žonkaj. Jaho sprabavali zaklikać da paradku, ale biespaśpiachova. Pavodle słoŭ abvinavačanych, paciarpieły byŭ u stanie poŭnaj adsutnaści pamiaci i nie moh stajać na nahach, jon byŭ mocna pjany, padaŭ i ŭ kłubie, i na leśvicy, i ŭ dvary.

Advakaty prasili poŭnaściu apraŭdać padabaronnych, źviartajučy ŭvahu na toje, što abvinavačańnie budujecca na pakazańniach śviedak, jakija byli mocna pjanyja, a praviedzienyja ekśpiertyzy niapoŭnyja, nieabhruntavanyja i vyklikajuć sumnieńni. U praviadzieńni dadatkovych ekśpiertyz sud admoviŭ, miedycynskija dakumienty paciarpiełaha byli zhublenyja.

Prysud pakul nie nabyŭ zakonnuju moc, abvinavačanyja buduć abskardžvać jaho ŭ Homielskim abłasnym sudzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?