Sotni žycharoŭ Armienii pryniali ŭdzieł u akcyjach pratestu ŭ dzień vizitu rasijskaha prezidenta Uładzimira Pucina ŭ krainu.
Mitynhoŭcy vystupali suprać uzmacnieńnia suviaziaŭ Jerevana z Rasijaj na fonie padziej u Kijevie i płanaŭ Armienii ŭstupić u Mytny sajuz, paviedamlaje Bi-Bi-Si.
U rukach u aktyvistaŭ, jakija prajšli maršam pa vulicach Jerevana, byli ściahi z nadpisami «Putin go home»,»Jeŭra Armienija», «My — haspadary našaj krainy» i «No to the USSR».
Jak paviedamlaje armianskaje ahienctva news.am, u časie šeścia adbylisia sutyčki z palicyjaj, jość zatrymanyja.
Pucin padčas vizitu zajaviŭ, što Rasija maje namier umacoŭvać svaje pazicyi ŭ Zakaŭkaźzi i «adsiul nikoli sychodzić nie źbirałasia».
U vieraśni ŭłady Armienii zajavili pra namier dałučycca da MS, Jeŭrasajuz vykazaŭ rasčaravańnie hetym rašeńniem.
