Milicyja Ivana-Frankoŭska padtrymlivaje žycharoŭ horada, zajaviŭ haradski hałava Viktar Anuškievičus.
«Jašče raz akcentuju ŭvahu na tym, što Ivana-Frankoŭskaja milicyja z nami», — skazaŭ jon u vystupie na vieča, jakim pačaŭsia ahulnaharadski strajku ŭ Ivana-Frankoŭsku ŭ paniadziełak, paviedamlaje «Ukrainskaja praŭda».
«Tamu sumiesna z pravaachoŭnikami, — a heta našy braty, našy baćki, syny — sumiesna ź imi pavinny zabiaśpiečyć pravaparadak u horadzie», — adznačyŭ jon, paviedamlaje «Interfaks-Ukraina».
Hetyja słovy ŭdzielniki vieča sustreli słovami «Małajcy».
«Nijakaj pravakacyi ŭ horadzie Ivana-Frankoŭsku sumiesna z pravaachoŭnikami my nie majem prava dapuścić. Jak tolki chtości atrymaje niejki sihnał, što niedzie ŭ horadzie źjavilisia niejkija «cituški», adrazu paviedamlajcie pra heta ŭ pravaachoŭnyja orhany. Jany ź imi raźbiarucca zhodna ź dziejnym zakanadaŭstvam», — zaklikaŭ mer.
Jon rastłumačyŭ, što jak dziaržsłužačy nie maje prava strajkavać. Ale ź inšaha boku, adznačyŭ Anuškievičus, pry ŭstupleńni na pasadu haradskoha hałavy jon davaŭ klatvu słužyć ukrainskamu narodu, i tamu, kab padtrymać žycharoŭ horada, razam sa svaimi namieśnikami syšoŭ u adpačynak za svoj košt.
Anuškievičus zaklikaŭ inšych dziaržsłužačych takim ža čynam dałučycca da strajkoŭcaŭ.
Adnačasova na Lvoŭščynie milicyjanty zajavili, što buduć abaraniać udzielnikaŭ «Jeŭramajdanu».
