Z sierady nadvorje ŭ Biełarusi pačnuć vyznačać atmaśfiernyja franty, jakija pieramiaščajucca z Bałtyjskaha mora praz terytoryju krainy.

U hety dzień nočču miescami, dniom na bolšaj častcy terytoryi Biełarusi projduć karotkačasovyja apadki ŭ vyhladzie daždžu i mokraha śniehu. U načnyja i ranišnija hadziny ŭ asobnych rajonach čakajecca słaby hałalod. Tempieratura pavietra na praciahu sutak składzie ad minus 3 da plus 3 hradusaŭ.

U čaćvier nočču na bolšaj častcy terytoryi krainy, dniom miescami projduć karotkačasovyja apadki, u asnoŭnym u vyhladzie śniehu, mokraha śniehu. Na asobnych učastkach daroh zachavajecca hałalodzica. Miescami prahnazujecca ŭzmacnieńnie vietru z paryvami da 15-20 m/s. Tempieratura pavietra ŭnačy składzie ad minus 5 da plus 1 hradusa, dniom — ad minus 3 da 3 hradusaŭ sa znakam plus.

Pačynajučy ź piatnicy ŭładu nad nadvorjem voźmie atłantyčny cykłon z centram nad Leninhradskaj vobłaściu. Na terytoryju Biełarusi pačnie pastupać bolš chałodnaje pavietra paŭnočnych šyrot.

U piatnicu nočču pa paŭnočnym zachadzie, a ranicaj i dniom na bolšaj častcy terytoryi krainy projdzie śnieh, miacielica. Čakajecca ŭzmacnieńnie vietru z paryvami da 15-20 mietraŭ u siekundu. Miescami na darohach hałalodzica. Tempieratura pavietra ŭnačy składzie ad minus 5 da 1 hradusa sa znakam plus, dniom - ad minus 3 da plus 2 hradusaŭ.

U subotu časam budzie iści śnieh, miescami miacielica. Sinoptyki abiacajuć uzmacnieńnie vietru z paryvami da 15-20 mietraŭ u siekundu, na darohach - hałalodzica. Tempieratura pavietra na praciahu sutak składzie ad 0 da minus 6 hradusaŭ.

U niadzielu na bolšaj častcy Biełarusi projdzie karotkačasovy śnieh, čakajecca słabaja zavirucha, na darohach zachavajecca hałalodzica. Tempieratura pavietra ŭnačy składzie minus 3—8 hradusaŭ, pry prajaśnieńniach apuścicca da 11 hradusaŭ, u dzionnyja hadziny sinoptyki abiacajuć minus 1—6 hradusaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?