 Andrej Klimaŭ |
Mienski haradzki sud pakinuŭ biaź źmienaŭ prysud byłomu deputatu Viarchoŭnaha savieta 13‑ha sklikańnia Andreju Klimavu. Nastupnyja dva hady jon praviadzie ŭ kalonii ŭzmocnienaha režymu. Apazycyjaner abvinavačvajecca ŭ zaklikach da źviaržeńnia dziejučaj ułady.
Sudovy praces adbyvaŭsia za začynienymi dźviaryma, u zalu byli dapuščanyja žonka Klimava Taciana j advakat. Ź Viciebsku, padtrymać siabra, pryjechaŭ pravaabaronca j eks‑deputat Valery Ščukin.
V. Ščukin: Heta standartnaja pracedura. Śpiarša vystupajuć abaroncy, paśla ŭstaje prakuror, jaki paviedamlaje, što niama padstavy dla admieny prysudu. Sud sychodzić na abmierkavańnie j paźniej śćviardžaje, što padstaŭ dla skasavańnia prysudu niama. Zvyčajnaje sudzilišča. Zala pierašapačatkova była na pałovu zapoŭnienaja, ale pierad pačatkam pracesu ŭsich paprasili vyjści.
Heta treci pa liku kryminalny prysud suprać Andreja Klimava. 4 hady Klimaŭ pravioŭ u turmie za abvinavačańnie ŭ ekanamičnych złačynstvach, paźniej byŭ asudžany na 15 miesiacaŭ «chimii» za arhanizacyju vuličnaj akcyi na dzień Voli ŭ 2005 hodzie.
