«Biesprecedentny vypadak» (vyznačeńnie ministra ŭnutranych spraŭ Charałdura Jochansena) zdaryŭsia ŭ stalicy krainy — Rejkjaviku.
Mužčyna siarednich hadoŭ, znachodziačysia ŭ svajoj kvatery, pa niavyśvietlenaj pakul pryčynie adkryŭ ahoń sa strelby. Palicyja evakujavała žycharoŭ navakolnych budynkaŭ i pasprabavała vyjści na kantakt sa strałkom.
Kali heta nie atrymałasia, palicejskija puścili ŭ kvateru ślezaciečny haz, sprabujučy niejtralizavać padazravanaha.
Heta nie dapamahło: jon adkryŭ biazładnuju stralalinu z voknaŭ.
Na šturm kvatery byŭ nakiravany palicejski śpiecnaz. Padazravany pačaŭ stralać u palicejskich, paškodziŭšy adnamu ź ich šlem, a druhomu — ščyt.
Supracoŭniki śpiecnaza adkryli ahoń u adkaz, śmiarotna paraniŭšy napadnika. Jaho pasprabavali vyratavać daktary miascovaj balnicy, adnak ich vysiłki akazalisia biezvynikovymi.
Ministr unutranych spraŭ užo vykazaŭ spačuvańni rodnym i blizkim zahinułaha, zajaviŭšy, što kiraŭnictva palicyi i jaje šarahovyja supracoŭniki hłyboka škadujuć ab vypadku.
Nasielnictva Isłandyi składaje ŭsiaho kala 320 tysiač čałaviek. Uzrovień złačynnaści ŭ hetaj krainie nastolki nizki, što palicyja vielmi redka pakazvajecca na vulicach sa zbrojaj i amal nikoli jaje nie ŭžyvaje.
