U 2014 hodzie ŭrad płanuje realizavać kompleks mier pa źmianšeńni abjomaŭ impartu, havorycca ŭ prajekcie prahnozu sacyjalna-ekanamičnaha raźvićcia.
Źnižeńnie impartnych pastavak u Biełaruś praduhledžana ŭ tym liku za košt «ustanaŭleńnia miežavaj doli impartnaha składalnika ŭ košcie vyrablenaj pradukcyi (60%) z vypłataj padatku na abjom jaje pieravyšeńnia».
U liku inšych mier, skiravanych na abmiežavańnie impartu, u prajekcie havorycca pra «ŭviadzieńnie ŭ sistemu acenki pracy kiraŭnikoŭ pradpryjemstvaŭ pakazčykaŭ źnižeńnia impartajomistaści pradukcyi i rostu ekspartu».
Akramia hetaha, da źnižeńnia abjomaŭ impartu, na dumku raspracoŭščykaŭ dakumienta, pavinna pryvieści «ŭkaranieńnie hnutkaj sistemy cenaŭtvareńnia na ajčynnuju pradukcyju z ulikam popytu na jaje, u tym liku praviadzieńnie rasprodažaŭ tavaraŭ, jakija nie karystajucca popytam».
