Uładzimir Pucin padpisaŭ zakon ab prypynieńni z 1 studzienia 2014 h. na hod indeksacyi zarobkaŭ dziaržsłužačym, pamočnikam parłamientaryjaŭ, vypłatam vajskoŭcaŭ. Vysokapastaŭlenych čynoŭnikaŭ heta nie zakranaje.
Dakumient prapanuje prypynić da 2015 hoda indeksacyju z ulikam uzroŭniu inflacyi akładaŭ fiederalnych dziaržsłužačych.
Raniej paviedamlałasia, što taki krok dapamoža zekanomić 3,6 miljarda rasijskich rubloŭ na akładach dziaržsłužačych, 10,4 młrd rubloŭ na prybytkach vajennasłužačych uzbrojenych sił RF i krychu bolš za 20 miljardaŭ rubloŭ — na dachodach unutranych vojskaŭ MUS dy inš.
U pačatku kastryčnika byli padpisany ŭkazy ab pavyšeńni zarpłaty amal usim vysokapastaŭlenym čynoŭnikam ź vieraśnia 2013 hoda. Pavinny być pavyšany zarobki deputataŭ i členaŭ Savieta fiederacyj, bo zakonam jany pryroŭnienyja da ministraŭ.
Da pavyšeńnia ich siaredniaja zarpłata składała 160 tysiač rubloŭ, ciapier pavinna być kala 250 tysiač (70,5 młn biełaruskich), a pa dadzienych niekatorych ŚMI, da vosieni 2014 moža vyraści da 420 tysiač (118 młn biełaruskich).
