U vioscy Andrany Mścisłaŭskaha rajona ŭ vyniku pažaru 2 śniežnia va ŭłasnym draŭlanym domie zahinuli žančyna-invalid i jaje syn.
Jak paviedamili BiełaPAN u Mahiloŭskim abłasnym upraŭleńni MNS, žančyna 1933 hoda naradžeńnia była invalidam z parušeńniem aporna-ruchalnaj sistemy. Jaje aficyjnym apiekunom byŭ 51-hadovy syn.
Kala 16.00 susiedzi ŭbačyli, što dom, dzie žyli maci z synam, haryć, i vyklikali pažarnych. Paśla taho jak supracoŭniki MNS patušyli dom, jaki hareŭ adkrytym ahniom, u pakoi na łožkach byli znojdzienyja trupy dvuch čałaviek.
Jak patłumačyli va ŭpraŭleńni MNS, mužčyna nie charaktaryzavaŭsia admoŭna, śpirtnym nie złoŭžyvaŭ. Pakul z najbolš vierahodnych viersij pryčyny ŭzharańnia razhladajecca nieaściarožnaść pry kureńni ŭ łožku.
