Ukrainskaja delehacyja ŭ sieradu, 4 śniežnia, pavinna adbyć u Brusel dla praviadzieńnia pieramoŭ ab padrychtoŭcy da padpisańnia Pahadnieńnia ab asacyjacyi pamiž Ukrainaj i Jeŭrapiejskim Sajuzam.
Pra heta havorycca ŭ zajavie premjer-ministra Mikałaja Azarava, jakaja raźmieščana na sajcie ŭrada.
«Zaŭtra naša delehacyja pajedzie ŭ Brusel, i my praciahniem pieramovy, jakija dazvolać padpisać Pahadnieńnie ab jeŭrapiejskaj intehracyi na vyhadnych dla Ukrainy ŭmovach. Pra heta damoviŭsia prezident i ciapier hetaja delehacyja farmujecca», — adznačyŭ Azaraŭ.
Čakajecca, što delehacyju ŭznačalić vice-premjer-ministr Siarhiej Arbuzaŭ.
Adnačasova ŭrad maje namier nakiravać delehacyju ŭ Maskvu.
