Lidzija Jarmošyna

Na majučych adbycca parłamienckich vybarach u Biełarusi buduć źmienieny miežy vybarčych akruh. Miarkujecca, što ich kolkaść u Minsku pavialičycca na 2 (z 18 da 20), u Viciebskaj vobłaści adpaviedna na 2 akruhi stanie mienš. Ab hetym paviedamiła siońnia žurnalistam staršynia Centrvybarkama Biełarusi Lidzija Jarmošyna.

Kiraŭnik CVK adznačyła, što prapanovy, jakija datyčacca źmianieńnia miežaŭ akruh, nakiravany ciapier u vykanaŭčyja kamitety. Na dumku Lidzii Jarmošynaj, hetyja źmianieńni «źviazany z tym, što horad Minsk raście, i treba pracavać na pierśpiektyvu».

Staršynia Centrvybarkama taksama dadała, što «źjaŭleńnie novaha zakanadaŭstva, jakoje admianiaje prapisku hramadzian i ŭvodzić rehistracyju, niekalki ŭskładnić padrychtoŭku majučaj adbycca vybarčaj kampanii, rabotu sa śpisami vybarščykaŭ». «CVK maje namier pravieści adpaviednuju naradu z pradstaŭnikami MUS, dzie my vyznačym, jak vyrašyć prablemy, jakija mohuć uźniknuć», — skazała Lidzija Jarmošyna.

BIEŁTA

Клас
Панылы сорам
Ха-ха
Ого
Сумна
Абуральна