Jeŭrasajuz nie budzie pačynać novyja pieramovy pa tekście ŭžo parafiravanaha pahadnieńnia ab asacyjacyi i hłybokaj i ŭsioabdymnaj zonie svabodnaha handlu z Ukrainaj.
Pra heta paviedamiła pradstaŭnik kiraŭnika jeŭrapiejskaj dypłamatyi Ketryn Eštan Maja Kačyjančyč.
Jana adznačyła, što «niama nijakaj dyskusii pa kampiensacyi» strat Ukrainy paśla asacyjacyi ź ES, pra što siońnia zajaviŭ premjer-ministr Mikałaj Azaraŭ padčas pasiadžeńnia Rady.
«My hatovy abmiarkoŭvać roznyja aśpiekty implemientacyi Pahadnieńnia ab asacyjacyi i hłybokaj i ŭsioabdymnaj zonie svabodnaha handlu z Ukrainaj i rastłumačyć u detalach zusim kankretnyja vyhady, jakija pahadnieńnie pryniasie Ukrainie. My, tym nie mienš, nie hatovyja adkryć novyja pieramovy adnosna tekstu pahadnieńnia», — adznačyła Kačyjančyč.
Raniej u ES abvierhli słovy premjer-ministra Ukrainy Mikałaja Azarava pra zaŭtrašniuju pajezdku ŭkrainskaj delehacyi ŭ Brusel
