 Ivonka Surviła |
«Ničoha tak mocna mianie nie zadavalniaje, jak być nastaŭnikam dy vychoŭvać dzietak, jakija buduć uvažać svaim abaviazkam pryčynicca da dabrabytu našaha śvietu…» Tak adnojčy havaryŭ usim viedamy ŭ Kanadzie nastaŭnik Justyn Trudo, syn najbolš viedamaha kanadzkaha premjer‑ministra Pjera Trudo.
Darahija nastaŭniki Biełarusi, jak pryjemna było b pačuć, što Vy taksama vybrali hetuju prafesiju, kab zrabić z našych biełaruskich dzietak lepšych Biełarusaŭ, z pačućciom adkaznaści za budučyniu svaje Baćkaŭščyny, za źbieražeńnie svaje kultury i svaje movy».
***
«Vielmi ž prykra čuć junakoŭ, jakija pryjaždžajuć ź Biełarusi na letni adpačynak u Kanadu dy dziviacca, što niechta ŭ Kanadzie havoryć pa‑biełarusku…
My tut hetuju movu šanujem i ŭvažajem našym ahulnabiełaruskim skarbam. Pačućcio hetaje starajemsia pieradać našym dzieciam. Ujaviecie sabie ichnaje rasčaravańnie, kali pryjechaŭšy ŭpieršyniu ŭ Biełaruś jany čujuć movu čužuju, nie biełaruskuju. A ad Vas zaležyć u vialikaj miery pavaha ŭ Biełarusi da svaje movy, da ŭsiaho biełaruskaha, bo Vy źjaŭlajeciesia najbolšym aŭtarytetam dla svaich vučniaŭ».
***
«Što režym u Biełarusi antybiełaruski, heta ŭsim viedama. Ale ž da sumleńnia Vašaha nichto aprača Vas samych nia maje dostupu. Svaim prykładam nastaŭnik moža zrabić bolej jak usie ŭkazy dyktatara.
Źviartajusia da Vas siońnia z prośbaj: vychoŭvajcie ŭ biełaruskim duchu našych dzietak, kab jany nie curalisia svajho. Kab jany byli hordyja, śmiełyja, pryncypovyja. Kab razumieli, što Biełaruś ichnaja Baćkaŭščyna i što ichnym śviatym abaviazkam jość jaje baranić ad čužych imperyjalistyčnych namieraŭ.
Vy, darahija nastaŭniki Biełarusi, možacie jak nichto inšy adradzić biełaruskuju Biełaruś!».
