Na abočynie stajali "BMV"...

Naš čałaviek jechaŭ pa aŭtamahistrali Brest—Minsk i pad Baranavičami ŭbačyŭ "BMV" z rumynskimi numarami. Mašyna stajała z padniatym kapotam na abočynie. Nieviadomy ŭzmacham ruki paprasiŭ spynicca, i naš čałaviek heta zrabiŭ.

Rumyn paskardziŭsia, što ŭ jaho zakončyŭsia bienzin, ale pačuŭšy, što naš jeździć na dyzpalivie, asabliva nie zasmuciŭsia, a praciahvaŭ płakacca nakont hrošaj. Maŭlaŭ, u kišeni tolki rumynskija liry dy jašče załaty piarścionak, jaki jon pradaŭ by pa samaj nizkaj canie.

Naš čałaviek pahladzieŭ na masiŭny piarścionak-piačatku, patrymaŭ jaje ŭ rukach, adznačyŭ, što jon užo krychu paciorty, a značyć sapraŭdny, bo nošany, i zapłaciŭ rumynu 65 dołaraŭ. Praź niekalki kiłamietraŭ mužčyna ŭbačyŭ jašče adnu aŭtamašynu z padniatym kapotam, ale na druhim baku aŭtamahistrali. Taki ž "BMV" z rumynskimi numarami stajaŭ na abočynie i pry im hałasavaŭ mužyk.

Hety fakt ustryvožyŭ našaha i jon patelefanavaŭ znajomamu. Toj vysłuchaŭ i skazaŭ, što taksama kupiŭ u rumynaŭ taki ž piarścionak... Za spravu ŭziałasia milicyja, i ŭ hramadzian z rumynskimi pašpartami kanfiskavali cełuju torbu (685 štuk) falšyvych piarścionkaŭ. Machinatary z Rumynii byccam by jechali ŭ Maskvu, ale pa darozie vyrašyli zbyć "załaty tavar" i našym ludziam. A jany akazalisia pilnymi... vypadkova.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?