Rychtavacca da bližejšych matčaŭ — adboračny da Jeŭra-2008 z kamandaj Luksiemburha (13 kastryčnika ŭ Homieli) i tavaryskaj sustrečy ź Izrailem (17 kastryčnika ŭ haściach) — hałoŭny trenier nacyjanalnaj zbornaj Biełarusi Biernd Štanhie vyklikaŭ 21 futbalista. Siarod hulcoŭ jość navičok — heta abaronca minskaha "Dynama" Kirył Paŭlučak.
Taksama ŭ śpisie Štanhie abaronca rasijskaj "Nosty" Dźmitryj Mołaš, jaki pravioŭ u futbołcy hałoŭnaj kamandy Biełarusi adzin tajm. U składzie zbornaj adsutničajuć hałkipier Uładzimir Hajeŭ, abaronca Jan Ciharaŭ i napadajučy Hienadź Bliźniuk, jakija byli zadziejničany ŭ vieraśnioŭskich matčach, zatoje byŭ zaprošany varatar Juryj Žaŭnoŭ.
